Moitas actividades para o Samaín 2019

24.10.19 12:36

O Obradoiro de Decoración de Cabazas, o Concurso de Enigmas de Medo, e a Festa de Medo son actividades programadas pola Concellería de Cultura para a celebración do Samaín. Todas se celebrarán na Biblioteca Municipal.

O Obradoiro de Decoración de Cabazas permitirá aos interesados decorar cabazas e nabos. E necesaria a inscrición dos interesados, terá lugar o día 26, entre 11,00 e 13,00 horas, os participantes deberán traer cabazas, materiais para decorar e mandilón.

 

O Concurso de Enigmas de Medo está dirixido ao alumnado da ESO.Consiste na escrita dun pequeno misterio que a través de poucas pistas faga pensar e xogar buscando a resolución dun asasinato, desaparición ou acontecemento inquietante. O gañador/a do concurso recibirá entradas para o Parque Warner de Madrid, e, xunto cos finalistas, serán materia de xogo na Festa de Medo da Biblioteca.

Tamén é necesaria inscrición, e a data límite de presentación é o 29 de outubro. Deberán presentarse na Biblioteca Florencio Delgado Gurriarán.

Por último, a Festa de Medo da Biblioteca, celebrarse no serán do 30 de outubro a partir das seis da tarde. A Biblioteca dará cabida a unha nova Festa Infantil, con xogos dirixidos por animadores, malabares e coa resolución do Concurso de Enigmas e o xogo cos mellores. Haberá un pouco de todo para pasalo ben nunha tarde de festa.

 

OBarcoDeValdeorras

Nueva Ventana Xunta de Galicia
  • Rus
  • Eng