Este venres no TLO Nacidas Libres, unha historia actual desde a perspectiva das mulleres

07.03.18 09:17

Na semana do Día da Muller, Contraproducións presenta Nacidas Libres, un espectáculo no que catro actrices interpretan unha ducia de personaxes nos máis variados espazos e situacións. Este venres, 9 de marzo (21 horas) no TLO, con entradas á venda desde unha hora antes.

Nacidas Libres é unha obra escrita por Cándido Pazó e interpretada por catro actrices: Rocío González, Casilda Alfaro, Mónica Camaño e Susana Dans, dirixidas por Cistina Domínguez.

Catro actrices que atravesan esas idades nas que corren o risco de desaparecer do mundo do espectáculo, fartas de non recibir ofertas de traballo, deciden autoempregarse e montar unha peza, xuntándose nunha aula de cultura, hai anos pechada, dunha entidade bancaria que hai anos cambiou de nome.

En vista de que non topan textos para catro mulleres, aventúranse a promovelo elas, encomendándollo a unha xove escritora que vive emigrada, partindo dunha noticia aparecida nos xornais: A policía rescata tres monxas indias retidas contra a súa vontade nun convento de clausura en Santiago. Con esa inspiración van argallando un espectáculo en múltiples planos no que, con rigor e obxectividade, pero con frescura, dinamismo, emoción e pinceladas de humor, entran no entramado argumental do caso, pero tamén en múltiples reflexións e referencias a diversos temas vistos desde a perspectiva de xénero: a desigualdade, a ilusión da liberdade, os condicionantes da muller nas distintas culturas, a emigración…

OBarcoDeValdeorras

Nueva Ventana Xunta de Galicia
  • Rus
  • Eng