Patrimonio, paxaros e poesía na camiñada deste domingo en Carucedo

19.10.18 13:08

Partindo da domus romana das Pedreiras de Lago, ás 9h30, do domingo 21 de outubro terá lugar esta nova camiñada pola contorna do Lago de Carucedo, que concluirá coa presentación do poemario de Paula Carballeira, Hai quen escolle os camiños máis longos.

O percorrido bordea o Lago de Carucedo e a presa de Campañá deténdose nas súas características e formación tras a explotación mineira das Médulas. Sobre a fauna e en especial as aves que o habitan falará Alfonso Fernández Pacios, creador do blog pájarosdelbierzo e alcalde de Carucedo, Visitarase o xacemento da domus romana das Pedreiras, aberto ao público o pasado verán, atendendo as explicaciións do arqueólogo Santi Ferrer. E finalmente a poeta, actriz e contadora Paula Carballeira presentará Hai quen escolle os camiños máis longos (Positivas) acompañada polo seu editor, Francisco Macías.

Como en todas as camiñadas culturais non é preciso a incrición, simplemente estar no punto de partida ás 9h30. É unha ruta de dificultade baixa. Está previsto finalizar no punto de inicio ás 13h30 aproximadamente.

OBarcoDeValdeorras

Nueva Ventana Xunta de Galicia
  • Rus
  • Eng