Viaxe organizada á Feira de Antigüidades de San Lázaro, en Sarria

25.03.11 12:00

O Grupo Galicia Interior, do que forman parte os concellos de Monforte de Lemos, Sarria e O Barco organizou para o próximo día 2 de Abril unha viaxe á XVI Feira de San Lázaro, en Sárria, adicada ás antigüedades e a restauración. A viaxe forma parte das actividades organizadas polos tres concellos para coñecer as peculiariades de cada unha das poboacións que forman parte do Grupo Galicia Interior. O prazo para inscribirse na viaxe finaliza o día 30 de Marzo, e as prazas son limitadas.

O Concello do Barco asume os gastos da contratación do autobús, mentres que os interesados en participar na actividade só terán que aboar ca comida, que se celebrará nun restaurante da localidade de Sárria, cun prezo entre 12 e 15 euros por persoa.

O autobús sairá da praza do Concello do Barco o sábado 2 de Abril ás 10,30 horas da mañá, e chegará a Sárria sobre as 12,00 horas. Tras a recepción por parte do Alcalde de Sárria, os viaxeiros farán unha visita guiada polo casco histórico da cidade, e sobre as 14,00 horas celebrarase a comida no restaurante. Pola tarde, visitarán a Feira de Antigüidades e Retauración que se celebra na localidad, e depois unha exposición sobre o Conde de Lemos aberta na poboación. Está previsto que o autobús chegue ao Barco, de regreso, sobre as 20,00 horas.

As inscripcións para participar nesta viaxe poden facerse no Concello Vello do Barco, na planta baixa (Diana - 616 40 28 85), antes do día 30 de marzo .

 

OBarcoDeValdeorras

Nueva Ventana Xunta de Galicia
  • Rus
  • Eng