O Barco celebra a XV Semana da Natureza

19.05.10 13:41

As concellarías de Medio Ambiente e Educación organizaron a XV edición da Semana da Natureza, cunha serie de actividades dirixidas fundamentalmente aos escolares do municipio.

Dentro do programa incluíronse varios concursos, así como proxeccións de cinema e a Feira do Sol, actividade que tería que celebrarse o pasado día 14, pero que tivo que anularse polo mal tempo. Esta feira terá lugar probablemente na semana do 20 ao 26 de setembro.

A Semana esta dedicada este ano á eficiencia enerxética e as enerxías renovables. Os concursos convocados son dous: o primeiro, de redacción, debuxo, fotografía e vídeo. As obras deberán entregarse no Instituto Lauro Olmo, antes do 20 de maio, e haberá tres premios por categoría. O fallo será emitido polo xurado antes do día 27 de maio. En canto ao outro concurso, titulado “plan de eficiencia enerxética para o centro escolar”, pretende que os alumnos ideen fórmulas de mellora enerxética no seu colexio. Tamén neste caso os traballos deberán entregarse no instituto Lauro Olmo, coas mesmas datas que as establecidas para o anterior. O premio é especialmente interesante, xa que os gañadores visitarán unha central de biomasa existente en Allarluz, así como o Centro de Educación Ambiental de Ou Rexo, onde poderán coñecer a Reserva da Biosfera de Allariz, a educación ambiental en enerxías renovables e eficiencia enerxética, unha visita á granxa escola e á quesería, con degustación de queixo de Ou Rexo.

OBarcoDeValdeorras

Nueva Ventana Xunta de Galicia
  • Rus
  • Eng